Жаңақорған ауданы бойынша құрылыс саласындағы

2018 жылы 9 айда атқарылған жұмыстар туралы

анықтама.

Құрылыс саласындағы2018 жылы 9 айда атқарылған жұмыстар.

Жаңақорған кентінің Саяжай аймағында қосымша20 гажерге көп қабатты тұрғын үйлердің құрылысын салуға жеке инвестор тарту арқылы бүгінгі таңға 18 пәтерлі үш қабатты және36 пәтерлі төрт қабатты тұрғын үйдің құрылысы салынып, алдағы уақытта осындай 36 пәтерлі төрт қабатты бірнеше тұрғын үйлердің құрылысы басталады деп жоспарлануда. Осы Саяжай аймағында салынатын көп қабатты тұрғын үйлердің инженерлік-коммуникациялық инфрақұрылымын (тас жолы, ВЛ-10 кВ және ВЛ-0,4 кВ электр желісі, жылу жүйесі, ауыз су жүйесі, кәріз жүйесі, газ құбыры желісі, Жиделі топтық су қоймасынан №3 көтерме сорғы станциясына дейінгі магистральды су құбыры т.б.) дамыту және жайластыру жұмыстарына 2017 жылы аудандық бюджеттен 73158 мың теңге қаржы бөлініп, жоба-сметалық құжаттары жасалынған еді.

Осы жоғарыда аталған инженерлік-коммуникциялық инфрақұрылымдар-дың құрылыс-монтаж жұмыстарына 2017 жылы аудандық бюджеттен 38 354,5 мың теңге, республикалық және облыстық бюджеттен 273699,0 мың теңге қаржы бөлініп, Саяжай аумағынан салынған 18 пәтерлі үш қабатты тұрғын үйді және алдағы уақытта салынатын көп қабатты тұрғын үйлерді газбен, жылумен, ауыз сумен, канализациямен, электр қуатымен, тас жолмен қамтамасыз ету мақсатында құрылыс жұмыстары басталған болатын.

2018 жылға аталған құрылыс-монтаж жұмыстарына облыстық және республикалық бюджеттен төмендегіше қажетті қаржы бөлінді. Атап айтқанда :

-        Жаңақорған ауданы Жаңақорған кентінің «Саяжай» учаскесіндегі тұрғын үйлердің инженерлік-коммуникациялық инфрақұрылымын салу. Электрмен және жылумен жабдықтаужұмысжобасына2017 жылға аудандық бюджеттен -16000,0 мың теңге, облыстық бюджеттен -30000,0 мың теңге, республикалық бюджеттен- 50 000,0 мың теңге қаржы бөлініп, толық игерілген.

2018 жылы республикалық бюджеттен 100 000,0 мыңтеңге, облыстық бюджеттен10 000,0 мың теңгеқаржы бөлініп, бүгінгі күнде республикалық бюджеттен 99940,0 мың теңгеқаржы, облыстық бюджеттен 8552,0 мың теңге қаржы  игеріліп,  0,7 шақырым 10 кВэлектр желісі,4,3 шақырым 0,4 кВ электр желісі мен 1,1-шақырым жылу жүйесі толық аяқталды. 1 данаКТПН трансформаторы орнатылып, блочно-модульді жылу қазандығын монтаждау жұмыстары орындалуда.

Нысан 2018 жылы пайдалануға беріледі деп жоспарланған.

- Жаңақорған ауданы Жаңақорған кентінің «Саяжай» учаскесіндегі тұрғын үйлердің инженерлік-коммуникациялық инфрақұрылымын салу. Газдандыру және абаттандыружобасы бойынша2017 жылға аудандық бюджеттен бөлінген қаржы -20 000,0 мың теңге, облыстық бюджеттен – 5 000,0 мың теңге толық игеріліп, 2018 жылы облыстық бюджеттен бөлінген 35 072,0 мың теңге қаржының 32923,8 мың теңге қаржысы игерілді.

Қазіргі уақытта 3,24 шақырым газ құбыры толық тартылып, ГРПШ газ тарату пункті орнатылған. Тас жол құрылысының 90% ға құрылыс жұмысы аяқталып, барлығы 3,5 шақырым тас жол төселген.

Қазіргі уақытта тас жол құрылысы жүріп жатыр, құрылысы аяқталуға жақын.

Монтаждалған газ құбыры жүйесін, жылу қазандығына қосу және Саяжай-4 көшесіндегі газ құбырына (ГРПШ газ тарату пунктіне) қосу жұмыстары жүргізілуде.

Нысан 2018 жылы пайдалануға беріледі деп жоспарланған.

-        Жаңақорған ауданы Жаңақорған кентінің «Саяжай» учаскесіндегі тұрғын үйлердің инженерлік-коммуникациялық инфрақұрылымын салу. Сумен жабдықтау және су бұруқұрылыс жұмыстарына2017 жылға аудандық бюджеттен -2000,0 мың теңге, облыстық бюджеттен – 17 000,0 мың теңге, республикалық бюджеттен- 171 699,0 мың теңге қаржы бөлініп, толық игерілген.

2018 жылы құрылыс жұмыстарына158366,0 мыңтеңге қаржы республикалық бюджеттен және 15 800,0 мың теңге қаржы облыстық бюджеттен бөлініп, бүгінгі таңға облыстық бюджеттен-6570,586 мың теңге,республикалық бюджеттен 158 366,0мың теңге қаржы игеріліп ,облыстық бюджеттен  9229,4 мың теңге қаржы үнемделді.

4,81 шақырым ауыз су желісі, 1,27 шақырым өздігінен ағатын кәріз жүйесі,

8,76 шақырым қысымды кәріз жүйесі тартылып,2 дана КНС станцалары  мен 1 дана КТПН-10/0,4 кВ трансформаторы орнатылды.

1 дана ДЭС (Дизельная электро станция) орнатылды және 0,277 км  - ВЛ-10кВ электр желісі ,1,51 км - ВЛ-0,4кВ электр желісі монтаждалған.

2017 жылы Жаңақорған ауданы Екпінді, Қожамберді, Жаңарық ауылдарынан салынатын әкімдіктің бір қабатты әкімшілік ғимаратының құрылыс жұмыстарына аудандық бюджеттен 59 980 мың теңге қаржы бөлініп, бүгінгі таңға Екпінді ауылындағы әкімшілік ғимаратының құрылысы бойынша 16704,755мың теңге, Жаңарықауылындағы әкімшілік ғимаратының құрылысы бойынша 17628,856мың теңге және Қожамберді ауылындағы әкімшілік ғимаратының құрылысы бойынша 17145,449 мың теңгеқаржы толық игеріліп,  Қожамберді ауылындағы әкімшілік ғимаратының құрылысы 28.06.2018 жылы №23 қабылдау актісімен, Жаңарық ауылындағы әкімшілік ғимаратының құрылысы 28.06.2018жылғы №24 қабылдау актісімен, ал Екпінді ауылындағы әкімшілік ғимаратының құрылысы 29.06.2018жылғы №25 қабылдау актісімен  қабылданды.

Аудандық бюджеттен бөлінген 4 000,0 мың теңге қаржыға Жаңақорған кентінен салынатын тұрмыстық қатты қалдықтарды орналастыруға және жоюға арналған полигонның құрылысының жоба-сметалық құжатын «Промстройпроект» ЖШС әзірлеуде. Биылғы жылы аудандық бюджеттен жобалау жұмысына 10 893 мың теңге қаржы бөлінген болатын, алайда жобалау жұмысына қажетті техникалық экономикалық құжаты болмағандықтан, сонымен қатар қатты қалдықтар тасатайтын полигонның орнын ауыстыру мәселесіне байланысты,жоба-сметалық құжатын әзірлеу уақытша тоқтатылды.

Сонымен қатар, Жаңақорған кентінің Саяжай аумағынан 600 орындық мектептің, МАИ бекеті аумағынан 600 орындық мектептің, кент орталығынан 600 орындық №169 мектептің және Ипподром аумағынан 300 орындық мектептің және Жаңақорған кентінің Ипподром аумағынан салынатын 140 орындық балабақшаның, Бірлік ауылынан 90 орындық балабақшаның құрылыстарына жоба-сметалық құжаттарын әзірлеуге электрондық мемлекеттік сатып алу конкурсы жарияланып, төрт мектептің ЖСҚ әзірлеуге «Проммедконтракт» ЖШС-гі жеңімпаз болып танылды. Төрт мектептің ЖСҚ әзірлеуге аудандық бюджеттен 40152,8 мың теңге қаржы бөлінді.

Ал, Ипподром аумағынан салынатын 140 орындық балабақшаның, Бірлік ауылынан 90 орындық балабақшаның құрылыстарына және шілде айынан бастап, Бесарық ауылындағы 90 орындық балабақшаның ЖСҚ әзірлеуге аудандық бюджеттен бөлінген 22 822,8 мың теңге қаржыға «Сыр Жоба» ЖШС-мен келісім шарт жасалып, жобалау жұмыстары жасалуда.

Аталған төрт мектеп бойыншажоба-сметалық құжаттарын әзірлеу жұмысы бойынша бүгінгі күнге 34093,7 мың теңге қаржы игеріліп және жоғарыда аталған екібалабақшаның жоба-сметалық құжаттарын әзірлеу жұмыстары бойынша 13443,2мың теңге қаржы игеріліп, барлық жобалар мемлекеттік сараптаманың қарауына ұсынылды.

Аталған жоба-сметалық құжаттарға 2018 жылы мемлекеттік сараптаманың оң қорытындысы алынады деп жоспарланған.

2018 жылы Жаңақорған кентіндегі орталық стадионның қайта жаңғырту жұмыстарына жоба-сметалық құжатын  әзірлеуге ауданды бюджеттен 4592 мың теңге қаржы бөлініп, бүгінгі күнге3348,0 мың теңге қаржы игеріліп, әлеуетті өнім берушімен жобалау жұмыстары жүргізілуде. Жоба сараптаманың қарауына ұсынылды.

Үстіміздегі жылдың шілде айында Өзгент ауылындағы 150 орындық ауылдық клубтың құрылысының ЖСҚ әзірлеуге аудандық бюджеттен 6505,0мың теңге қаржы бөлініп, аудандық мемлекеттік активтен және сатып алу бөлімі арқылы жарияланған электронды сатып алу конкурсының жеңімпазы «Крез Сервис» ЖШС-мен тапсырыс беруші аудандық сәулет, қала құрылысы және құрылыс бөлімі арасында келісім шарт жасалды.

Сонымен қатар, 2017 жылы аудандық бюджеттен 4 200 мың теңге қаржыға электронды конкурс жарияланып, жеңімпаз болып танылған «Шынар Проект и Компания» ЖШС арқылы Қызылорда облысы, Жаңақорған ауданының Жаңарық, Қаратөбе, Көктөбе, Сунақата, Төменарық елді мекендерінен мал қорымының (биотермиялық шұңқыр) құрылысын салу үшін (5 жобаға) жоба-сметалық құжаттама әзірленіп, мемлекеттік сараптаманың оң қорытындысы алынған болатын.

2018 жылы  16 сәуірде облыстық құрылыс, сәулет және қала құрылысы басқармасына  құрылыс монтаж жұмысына қажетті 73772,031 мың теңге  қаржы бөлдіруге бюджеттік өтінім берілді.

Бүгінгі күнге, Жаңақорған ауданының Жаңарық және Төменарық елді мекендерінен мал қорымының (биотермиялық шұңқыр) құрылысын салуға облыстық бюджеттен  29 473,0 мың теңге қаржы бөлінді.

Қазіргі уақытта аталған мал қорымының (биотермиялық шұңқыр) құрылысын салуға, аудандық мемлекеттік активтер және сатып алу бөлімі арқылы 2018 жылдың 29 маусымында жарияланған электронды мемлекеттік сатып алу конкурсының жеңімпазы «Astana-Global-Metrology» ЖШС келісім шарт жасалды.

Жеңімпаз мердігер құрылыс монтаж жұмыстарын бастады.

Сәулет саласы бойынша

Сәулет, қала құрылысы және құрылыс бөлімі арқылы 6 түрлі мемлекеттік көрсетілетін қызметтер, «Қазақстан Республикасының аумағында жылжымайтын мүлік объектілерінің мекенжайын айқындау жөнінде анықтама беру», «Құрылыс және реконструкция (қайта жоспарлау, қайта жабдықтау) жобаларын әзірлеу кезінде бастапқы материалдарды ұсыну», «Тіреу және қоршау конструкцияларын, инженерлік жүйелер мен жабдықтарды өзгертуге байланысты емес қолданыстағы ғимараттардың үй-жайларын (жекелеген бөліктерін) реконструкциялауға (қайта жоспарлауға, қайта жабдықтауға) шешім беру»,«Эскизді (эскиздік жобаны) келісуден өткізу», "Үлескерлердің ақшасын тартуға рұқсат беру", "Тұрғын үй құрылысына үлестік қатысу туралы шарттың есептік жазбасы туралы үзінді беру" мемлекеттік көрсетілетін қызметтерді атқару бекітілген.

1. «Құрылыс және реконструкция (қайта жоспарлау, қайта жабдықтау) жобаларын әзірлеу кезінде бастапқы материалдарды ұсыну» бойынша             2018 жылы 9 айда құрылыс нысандарын салуға 48 мемлекеттік  көрсетілетін қызмет, оның 44-і «Азаматтарға арналған үкімет» МК арқылы әзірленді. 4-і электрондық үкімет порталы арқылы берілді. Берілген 48 қызметтің 19-ы кәсіпкерлік саласына, 16-ы өндіріс орынына, 13-і басқа саладағы құрылыс нысандарына берілді.

2. «Қазақстан Республикасының аумағында жылжымайтын мүлік объектілерінің мекенжайын айқындау жөнінде анықтама беру» мемлекеттік көрсетілетін қызметі 9 айда«Азаматтарға арналған үкімет» МК арқылы             869, электронды портал арқылы 275 азаматқа көрсетілді. Сонымен қатар, «Мекен-жай тіркелімі» бағдарламасы бойынша аудандық мәдениет және тілдерді дамыту бөлімі және аудандық жылжымайтын мүлікті тіркеу орталығымен (БТИ) бірлесе отырып «Жылжымайтын мүлік тіркелімі» мемлекеттік дерек қорынан берілген мекенжайлар мәліметін нақтылау және нақтыланған мекенжайларды «Мекенжай тіркелімі» ақпараттық жүйесінде өзектендіру жұмыстары жүргізілуде.

3. 2018 жылғы 9 айдасалынуы жоспарланған 24 құрылыс объектісінің, «Эскизді (эскиздік жобаны) келісуден өткізу» мемлекеттік көрсетілетін қызметі бойынша келісім берілді. Солардың ішінде, Жаңақорған кенті А. Сұлтанов көшесі бойында салынатын 140 орындық және Бірлік ауылында салынатын 90 орындық  балабақшаның,  Жаңақорған кентінің Т. Құлымбетов, Б. Байкенжеев, Т. Бердібаев көшелерінің бойында салынатын 600 орындық, С. Сұлтанмұратов көшесінде салынатын 300 орындық мектептердің, Сүттіқұдық ауылында салынатын спорт кешені ғимаратының, Шалқия кенішінде 120 және                 240 орындық жатақханалардың т.б. құрылыстардың эскиздік жобаларына келісім берілді.

4. «Тіреу және қоршау конструкцияларын, инженерлік жүйелер мен жабдықтарды өзгертуге байланысты емес қолданыстағы ғимараттардың үй-жайларын (жекелеген бөліктерін) реконструкциялауға (қайта жоспарлауға, қайта жабдықтауға) шешім беру» мемлекеттік көрсетілетін қызметі бойынша                13 өтінішке келісім беруге шешім берілді.

5. "Үлескерлердің ақшасын тартуға рұқсат беру", "Тұрғын үй құрылысына үлестік қатысу туралы шарттың есептік жазбасы туралы үзінді беру" мемлекеттік көрсетілетін қызметтері бойынша өтініш түскен жоқ.

6. Қазақстан Республикасы «Жер Кодексінің» 49-1. бабына сәйкес «Жер учаскесінің нысаналы мақсатын өзгерту» мемлекеттік көрсетілетін қызметіне сәйкес аудан бойынша 9 айда 40 жер учаскесінің нысаналы мақсатын өзгертуге келісім берілді.

7. 2018 жылы 9 айда 34904 шаршы метр болатын, 313 жеке тұрғын үй меншік иесінің объектіні пайдалануға өз бетінше қабылдау актісі тіркеліп, бұл туралы ақпараттар облыстық құрылыс, сәулет және қала құрылысы басқармасына, аудандық статистика басқармасына берілді.

8. Аудан аумағында 9 айда құрылысы салынып аяқталған 40 объектінің пайдалануға қабылдау актісі тiркелді.

9. Аудан аумағында салынуы жоспарланған ғибадат үйлеріне бастапқы құжаттарды жинақтау үшін түсіндірме жұмыстары жүргізілуде. Қазіргі уақытта Қаратөбе, Аққұм ауылдарында мешіт құрылысын салуға жер учаскесіне облыстық құрылыс, сәулет және қала құрылысы басқармасынан рұқсат алынған, жер учаскесі рәсімделген, барлық құжаттары рәсімделіп, пайдалануға қабылданған, әділет басқармасында тіркелген. Байкенже, Төменарық, Манап ауылдарында, Жаңақорған кентіндегі «Құмсахаба» мешіт құрылысының жер учаскесіне облыстық құрылыс, сәулет және қала құрылысы басқармасынан рұқсат алынған, жер учаскесі рәсімделген, сәулет-жоспарлау тапсырмасы әзірленіп, жобасы жасалған. Қалған құжаттарды (сараптамадан өткізіу, облыстық мемлекеттік сәулет-құрылыс бақылауы басқармасының рұқсаты т.б.) рәсімдеу жұмыстары жүргізілуде. Жаңақорған кенті Жаңауыл мөлтек ауданында мешіт салуға бастамашы болған жеке тұлға Жұманқожаев облыстық құрылыс, сәулет және қала құрылысы басқармасынан келісім алу үшін құжаттарын өткізді.

10. Аудан орталығында өткен Наурыз мерекесін, облыстық малшылар слетін өткізуге байланысты орналастыру сызбасы дайындалды. Алдағы уақытта да өткізілетін іс-шараларға, көркейту, абаттандыру сызба-жобалары әзірленіп ұсынылатын болады.

11. 2018 жылға Жаңақорған кентінің бас жоспарына сәйкес жаңадан ашылатын жер учаскесіне егжей-тегжейлі жоспарлау жобасын әзірлеу үшін облыстық құрылыс, сәулет және қала құрылысы басқармасы арқылы облыстық экономика және бюджеттік жоспарлау басқармасына бюджеттік өтінім өткізілді. Қаржы бөлінсе «Саяжай-1» егжей-тегжейлі жоспарлау жобасы әзірленеді.

12. Бөлім тарапынан ауданкөлеміндетұрғын үй және басқа мақсаттарға байланысты жер телімдерін бөлу бекітілген бас жоспар мен даму сызбаларына сәйкес берілуін қадағалау жұмыстары жүргізіліп, кезекші картаға түсіріп белгілеу жүргізілуде.

13. Сәулет және қала құрылысы бөлімі ауданда салынатын (салынуы белгіленген) және басқа да объектілер қала құрылыстық регламенттердің (қызыл сызық, басқа да шектеулердің) сақталуын қадағалау, әлеуметтік нысандардың (мектеп, балабақша, мәдениет, спорт объектілері т.б.), тұрғын үйлердің, демалыс орындарының елді мекендердің бекітілген бас жоспары мен даму сызбаларына сәйкес орналасуына қадағалау жұмыстарын жүргізуде.

Жаңақорған ауданы бойынша құрылыс саласындағы 2018 жылы 6 айда атқарылған жұмыстар туралы