МІНДЕТТІ ӘЛЕУМЕТТІК МЕДИЦИНАЛЫҚ САҚТАНДЫРУ –САПАЛЫ ӘРІ ҚОЛЖЕТІМДІ МЕДИЦИНАЛЫҚ КӨМЕК!

 

2018 жылдың 1 қаңтарынан Міндетті әлеуметтік медициналық сақтандыру (МӘМС) жүйесі енгізіледі.

2017 жылдың 1 шілдесінен бастап әр-бір азамат сақтандыру қорына жарна төлеуге міндетті!!!

 

Қорға жарна аудару үшін әрбір адам қай санатқа жататынын анықтау қажет!

                                                                                                                                                                                                                          

тұрғындардың төменДегі көрсетілген санаттарына жарнаны Мемлекет төлейді:

1) балалар;

2) жұмыссыз ретінде тіркелген адамдар;

3) жұмыс істемейтін жүкті әйелдер;

4) іс жүзінде үш жасқа толғанға дейінгі баланы (балаларды) тәрбиелеп отырған жұмыс істемейтін адамдар;

5) бала (балаларды) тууға, жаңа туған баланы (балаларды) асырап алуға байланысты, бала (балалар) үш жасқа толғанға дейін оның (олардың) күтімі бойынша демалыста отырған адамдар;

6) 18 жасқа дейінгі мүгедек балаға күтімді жүзеге асыратын жұмыс істемейтін адамдар;

7) зейнетақы төлемдерін алушылар, оның ішінде Ұлы Отан соғысының мүгедектері мен қатысушылары;

8) қылмыстық-атқару (пенитенциарлық) жүйесінің мекемелерінде (қауіпсіздігі ең төмен мекемелерді қоспағанда) сот үкімі бойынша жазасын өтеп жатқан адамдар;

9) тергеу изоляторларындағы адамдар;

10) жұмыс істемейтін оралмандар;

11) «Алтын алқа», «Күміс алқа» алқаларымен марапатталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған көпбалалы аналар;

12) мүгедектер;

13) орта, техникалық және кәсіптік, орта білімнен кейінгі, жоғары білім беру, сондай-ақ жоғары білімнен кейінгі білім беру ұйымдарының күндізгі оқу бөлімінде оқитын адамдар;

14) оқуды аяқтағаннан кейінгі келесі күнтізбелік үш ай ішінде орта, техникалық және кәсіптік, орта білімнен кейінгі, жоғары білім беру, сондай-ақ жоғары білімнен кейінгі білім беру ұйымдарының күндізгі оқу бөлімінде оқуын аяқтаған адам.

 

Егер отбасы мүшесі:

• Жұмыс беруші, дара кәсәпкер, жеке нотариус, жеке сот орындаушы, адвокат, кәсіби  медиатор, азаматтық-құқықтық шарт бойынша табыс алатын жеке тұлға болса, Қорға аударымдар мен жарналарды 2017 жылдың 1 шілдеден бастап төлеуге тиіс.

•Жалдамалы қызметкерлердің жарна төлеуді бастау мерзімі - 2019 жылғы 1 қаңтар.

•Белсенді емес халық қатарында болса 2018 жылдың 1 қаңтарынан төлеуі тиіс.

 

ЖҰМЫС БЕРУШІЛЕР жалдамалы қызметкерлері үшін 2017 жылдың 1 шілдесінен бастап жарна төлеуге міндетті.

 

	2017ж.	2018ж.	2019ж.	2020ж.
Мемлекет жарналары	-	3,75%	4%	4%
Жұмыскерлер табысынан	-	-	1%	2%
Жұмыс берушілердің аударымдары	1%	1.50%	1.50%	2%
Дара кәсіпкерлердің және өзін-өзі жұмыспен қамтушылар жарналары (2АЖ-дан)	5%	5%	5%	5%
Белсенді емес халық (1 АЖ-дан)	-	5%	5%	5%

 

* АЖ – ЕҢ ТӨМЕНГІ айлық жалақы:

 

	2017ж.	2018ж.	2019ж.	2020ж.
1АЖ	24 459 тг.	28 284 тг.	29 698 тг.	30 886 тг.
2АЖ	48 918 тг.	56 568 тг.	59 396 тг.	61 772 тг.

 

 

 

Әлеуметтік медициналық сақтандыру қорына жарна уақытылы төленген жағдайда жоғарыда көрсетілген медициналық көмек түрлерінің барлығы қолжетімді болады.

Ол үшін:

-           жергілікті емханаға тіркелуге тиіссіз! (05.04.2017ж.-30.06.2017ж. аралығында)

-           міндетті жарналарды бекітілген уақытта төлеуге тиіссіз!

 

Міндетті әлеуметтік медициналық сақтандыру бойынша толық ақпаратты төмендегі байланыс құралдары арқылы Абай даңғылы №27 «Денсаулық үйі» ғимаратынан  жұмыс уақытында ала аласыздар.

Бірыңғай байланыс орталығы – 8 7242 400001

Веб-сайт: http://fms.kz/index.php/ru/

Facebook: https://www.facebook.com/fondosms/

 

 

 

 

 

 

 

Жаңақорған ауданының денсаулық сақтау саласы

2017 жылы Жаңақорған ауданы бойынша Денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасы аясында халық денсаулығын жақсарту жолында медициналық қызмет сапасын арттыру, халықты қолжетімді медицинамен қамтамасыз ету, профилактикалық медицинаны дамыту, ана мен бала денсаулығын қорғау, алғашқы медико-санитариялық көмекті жетілдіру, сондай-ақ аудандағы емдеу және алдын алу ұйымдарының материалдық-техникалық базаларын нығайту және кадрлар біліктілігін арттыру бағытында кешенді шаралар жүзеге асырылды.

2017 жылы 83103 аудан халқына аудандық орталық аурухана, 6 ауылдық аурухана, аудандық емхана, туберкулезге қарсы диспансер, 17 дәрігерлік амбулатория, 8 фельдшерлік-акушерлік бекет, 10 медициналық бекет медициналық қызмет көрсетті. Аудандағы емдеу және алдын алу ұйымдарында 152 жоғары білімді дәрігер мен 692 орта буынды медицина қызметкері жұмыс жасайды, 10 мың тұрғынға шаққанда дәрігермен қамтылу деңгейі 18,4.

2017 жылы Жаңақорған ауданы денсаулық сақтау саласының бюджеті 2315074.81 мың теңгеге жетті, оның ішінде республикалық бюджеттен 1950639,81 мың теңге, облыстық бюджеттен 69263,0 мың теңге қаржы бөлінді. Республикалық бюджет есебінен аудандық ауруханаға құны 45172,0 мың теңге тұратын компьютерлік томография аппараты сатып алуға бөлінді. Сондай-ақ 2016 жылы емдеу ұйымдарының материалдық-техникалық базасын нығайту мақсатында жоғары сезімталдығы бар тропонинді анықтайтын аппарат, 12 каналдық ЭКГ аппараты, операцияға арналған травматологиялық стол мен құрал-жабдықтардың жинағы, тредмил тест, электрокоагулятор, ЭХО-энцефалограф т.б. медициналық құрал-жабдықтар алынды.

Медициналық қызметтің нәтижесі мен сапасын демографиялық көрсеткіштерден аңғаруға болады. 2017 жылдың 3 айында аудан бойынша 423 бала дүниеге келіп, туу көрсеткіші 5,0 промильді құрады. Аудан бойынша барлығы 78 өлім жағдайы тіркелді, көрсеткіші – 0,9 (2016 жылы 92-1,1) және өткен жылмен салыстырғанда өлім-жітім 0,2 промильге төмендеді.

Денсаулық сақтау саласы бойынша енгізілген Жол карталары аясында іске асырылған жұмыстардың нәтижесінде Жіті миокард инфарктісі мен Жедел ми қан айналымы бұзылуы бойынша анықталған науқастарға дер кезінде медициналық көмектер көрсетіліп, облыстық медициналық орталыққа жолданды.

Аудан тұрғындары диагностика мен емдеудің инновациялық мобильдік технологиялары, яғни жылжымалы медициналық кешен, санитарлық авиация, телемедицина арқылы мамандандырылған медициналық көмек алуда. Телемедицина арқылы өткен жылы 83 телеконсультация мен телеконференциялар

өткізілді. 2017 жылдың 3 айында 49 науқас санавиациялық көмек арқылы облыстық емдеу мекемелеріне жолданып, 34 науқасқа облыс орталығынан мамандар келіп және телефон арқылы кеңестер берілді.

Халықтың нысаналы топтарын профилактикалық тексеруден өткізу жұмыстары бойынша ағымдағы жылы жоспарланған 21945 тұрғынның 5941 скринингтік тексерулерден өткізілді.

Мемлекеттік көрсетілетін қызметтер бойынша тиісті жұмыстар жүргізіліп, емдеу және алдын алу ұйымдары бойынша 2017 жылы 16779 мемлекеттік қызмет көрсетілді, оның ішінде «электронды үкімет» www.e.gov.kz веб-порталы арқылы 1501 қызмет ұсынылды.

«100 нақты қадам» - Ұлт жоспарына сәйкес Жаңақорған ауданы әкімінің 23.08.2016 ж. №09-ө өкімімен Міндетті әлеуметтік медициналық сақтандыруды тұрғындар арасында түсіндіру жөнінде аудандық Түсіндіру Штабының құрамы және елді мекендер бойынша кесте бекітіліп, барлық кент және ауылдық округтерде, сондай-ақ аудандағы халыққа қызмет көрсететін мекемелер мен кәсіпорындарда ақпараттық-түсіндіру жиындары өткізілді.

2016 жылы Жаңақорған ауданы бойынша Денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасы аясында халық денсаулығын жақсарту жолында кешенді шаралар жүзеге асырылды.

2016 жылы Жаңақорған ауданы денсаулық сақтау саласының бюджеті     2 171 001,0 мың теңгеге жетті, оның ішінде республикалық бюджеттен 1 905 028,0 мың теңге, облыстық бюджеттен  172 544,0 мың теңге қаржы бөлінді. Сондай-ақ  СКПН-ге 93 429,0 мың теңге қаржы қаралды және бөлінген қаржылар мақсатты негізде толығымен игерілді. Емдеу ұйымдарының материалдық-техникалық базасын нығайтуға өткен жылы 68 353,0 мың теңге қаржы бөлінді. Аудан бойынша әлеуметтік маңызы бар аурумен сырқаттанған науқастарды тегін дәрі-дәрмектермен қамтамасыз етуге 189 658,0 мың теңге қаржы қаралды.

2016 жылы Түгіскен, Сүттіқұдық, Сунақата елді мекендерінде дәрігерлік амбулатория ғимараттары жаңадан салынып, халық игілігіне пайдалануға берілді. Сондай-ақ Шалхия елдімекеніндегі дәрігерлік амбулатория ғимаратының тозығы жетуіне байланысты облыстық ересектерге арналған туберкулезге қарсы  Шалхия санаторийінің теңгеріміндегі екі қабатты ғимараттың бірінші қабатын күрделі жөндеуден өткізуге 19 469,0 мың теңге бөлініп, дәрігерлік амбулатория осы ғимаратқа көшірілді. Кент орталығынан бой көтерген ауысымына 250 науқасты қабылдауға арналған типтік жобадағы жаңа емхана ғимараты осы жылы пайдалануға берілетін болады.

Ауданымыздың демографиялық көрсеткіштеріне тоқталар болсақ, 2016 жылдың 12 айында аудан бойынша 1863 бала дүниеге келіп, туу көрсеткіші 22,6 промильді құрады.

Денсаулық сақтау саласы бойынша енгізілген Жол карталары аясында іске асырылған жұмыстардың нәтижесінде Жіті миокард инфарктісі мен Жедел ми қан айналымы бұзылуы бойынша анықталған науқастарға дер кезінде медициналық көмектер көрсетіліп, облыстық медициналық орталыққа жолданды. Сондай-ақ «Жарақаттану кезіндегі медициналық көмек көрсетудің біріктірілген үлгісін енгізу жөніндегі Жол картасы» бойынша жарақат ауруларының алдын алу мақсатында өткен жылы жедел жәрдем бөліміне 2 862,0 мың теңгенің медициналық құрал-жабдықтары алынды. Аудан орталығынан шалғай жатқан елдімекендердегі 5 жасқа дейінгі балаларға, жүкті әйелдерге және жол апаты салдарынан зардап шеккендерге шұғыл медициналық көмекті мерзімінде көрсету мақсатында Бесарық, Түгіскен, Төменарық дәрігерлік амбулаторияларынан жедел жәрдем бригадаларын жасақтау жұмыстары жоспарланып отыр.

Аудан тұрғындары диагностика мен емдеудің инновациялық мобильдік технологиялары, яғни жылжымалы медициналық кешен, санитарлық авиация, телемедицина арқылы мамандандырылған медициналық көмек алуда. Телемедицина арқылы өткен жылы 330 телеконсультация мен телеконференциялар өткізілді. 2016 жылы 211 науқас санавиациялық көмек арқылы облыстық емдеу мекемелеріне жолданып, 209 науқасқа облыс орталығынан мамандар келіп және телефон арқылы кеңестер берілді.

Халықтың нысаналы топтарын профилактикалық тексеруден өткізу жұмыстары бойынша 2016 жылы 22402 тұрғын скринингтік тексерулерден өткізілді. Мамандандырылған жылжымалы медициналық кешен арқылы Шиелі, Жаңақорған аудандарының елдімекендері бойынша 41819 тұрғын қамтылды.

Мемлекеттік көрсетілетін қызметтер бойынша тиісті жұмыстар жүргізіліп, емдеу және алдын алу ұйымдары бойынша 2016 жылы 71745 мемлекеттік қызмет көрсетілді, оның ішінде «электронды үкімет» www.e.gov.kz веб-порталы арқылы 261 қызмет ұсынылды.

«100 нақты қадам» - Ұлт жоспарына сәйкес Жаңақорған ауданы әкімінің 23.08.2016 ж. №09-ө өкімімен Міндетті әлеуметтік медициналық сақтандыруды тұрғындар арасында түсіндіру жөнінде аудандық Түсіндіру Штабының құрамы және елді мекендер бойынша кесте бекітіліп, өткен жылы барлық кент және ауылдық округтерде, сондай-ақ аудандағы халыққа қызмет көрсететін мекемелер мен кәсіпорындарда ақпараттық-түсіндіру жиындары өткізілді.

Сондай-ақ 2016 жылдың желтоқсанынан бастап аудандық білім беру жүйесіндегі медициналық қызмет көрсету мен білім беру жүйесіндегі медицина қызметкерлерінің штаттық бірліктерін аудандық денсаулық сақтау жүйесіне беру  бойынша жұмыстар жүргізілді. 2017 жылдың қаңтарынан бастап білім беру жүйесіндегі медициналық қызмет пен медицина қызметкерлерінің штаттық бірліктері толығымен денсаулық сақтау жүйесіне алынды.