Жаналық

Жаңақорғанда өткен жылы 5 сервистік қызмет көрсету кешені ашылған

2019-07-02 69 рет қаралды

«Батыс Еуропа-Батыс Қытай» автодәлізі еліміздің транзиттік әлеуетін едәуір арттырды. Батыс пен Шығысты жалғайтын сауда магистралінің 812 шақырымы Қызылорда облысына тиесілі. Оның 220 шақырымы І санаттағы жолға жатқызылса, 567 шақырымы ІІ-санатта. Ал, Жаңақорған ауданынан автодәліздің 310 шақырымы өтеді.

Көлік қозғалысы көбейген жерде көлікке қызмет көрсететін сервистік орталықтардың да бойына қан жүгіреді. Қазіргі таңда өңірде автодәліз бойындағы қызмет кешенін көбейтуге барынша күш салынуда. Бұл бір жағынан жолды жағалай орналасқан ауылдық округ тұрғындарына да жұмыс көзі. Жалпы, Қызылорда облысының аумағында жоба бойынша 41 сервистік кешен ашу жоспарда бар екен. Ауданда халықаралық автодәліз бойынан өткен жылы 5 сервистік қызмет көрсету кешені ашылған.

Атап айтқанда, біріншіден, ДК «Құламетов Абибулла» (оң жақ «В санаты, 1984 км) жол бойы қызмет көрсету кешенінің жобасы. Жобаның құны 62 млн. теңге. Бүгінгі таңда жоба толығымен іске асырылып 10 адам жұмыспен қамтылыған. Одан бөлек көлік жүргізушілеріне толыққанды жағдай жасалған. Яғни, 60 орындық дәмхана, 20 орындық қонақ үй, 16 адамдық монша жұмыс жасап тұр. Көлік нөпірінің артуы кәсіпкердің бизнесін кеңейте түсті. Автокөлікке қызмет көрсету кешенінде де барлық мүмкіндіктер қарастырылған. Айта кету керек, Әбибулла Құламетов күре жол бойынан нәпақасын арттырып, кәсібін кеңейтіп жатқан белгілі кәсіпкердің бірі.

Екіншіден, ауқымды жобаның бірі – ДК «Аружан К» (сол жақ «С санаты, 1984 км) жол бойы қызмет көрсету кешенінің жобасы. Жобаның құны 36 млн теңге. Бүгінгі таңда жоба толығымен іске асырылып 6 адам жұмыспен қамтылған.